Aktivitete Shoqërore

Myftiu i Dibrës së Madhe priti në takim miqësor diasporën dibrane

Në një ambient vëllazëror dhe me një frymë bashkëpunimi dhe solidariteti, Myftiu i Dibrës së Madhe, Reshat Kaçallniku, priti në takim miqësor bashkatdhetarët që jetojnë dhe veprojnë në Shtetet e Bashkuara të Amerikës. Fillimisht Myftiu i qytetit, në emër të gjithë kuadrit fetar që disponon Myftinia dhe më tej në emër edhe të gjithë besimtarëve dibranë, përmes të ftuarve të këtij takimi, shfrytëzoj rastin ti falënderoj të gjithë dibranët që veprojnë në Perëndim, si në Evropë po ashtu dhe përtej Atlantikut, për kontributin dhe solidaritetin e treguar në çdo rast dhe mundësi, në të gjitha sferat e jetës shoqërore dhe fetare në vend, sidomos në këtë periudhë të trazuar të pandemisë globale. Në anën tjetër, mysafirët, pasi e uruan Myftiun për detyrën e re dhe misionin e shenjtë fetar, bashkërisht biseduan për shumë tematika që janë aktualitet, mes tjerash treguar interesim të veçantë për rininë dibrane, veçanërisht për aftësitë e tyre profesionale, për avancimin e tyre akademik dhe mbi të gjitha për pastërtinë morale, në një kohë kur përballen me shumë elemente devijante të kohës. Por analizuan edhe problemet e vjetra dhe të reja me të cilat ballafaqohen qytetarët çdo ditë dhe për shkaqet e tyre por duke u përpjekur që të japin zgjidhje apo alternativa pozitive në të mirë të qytetarëve. Sipas tyre shqetësimet kryesore të këtij qyteti ngelin po ato të vjetrat, gjegjësisht mungesa e ujit, papastërtia publike, mungesa e parkingjeve, e disa të tjera.

Continue reading “Myftiu i Dibrës së Madhe priti në takim miqësor diasporën dibrane”

Urimi i Myftinisë së Dibrës së Madhe me rastin e Haxhi / Kurban Bajramit!

Jeton ef. Muça – sekretar i Myftinisë së Dibrës së Madhe

Të nderuar besimtarë dibranë! Kurban Bajrami është një nga dy festat islame të cilën e kremtojnë myslimanët në mbarë botën. Në këtë ditë kujtohet gatishmëria e Ibrahimit a.s. që u pajtua të flijoj djalin e tij Ismailin a.s. si vepër e nënshtrimit ndaj urdhërit të Zotit, para se Zoti të ndërhyj, përmes engjëllit të tij Xhebrailit a.s. dhe të njoftoj Ibrahimin a.s. se flijimi i tij tashmë është pranuar. Sot, edhe pse kanë kaluar mijëra vite nga kjo ngjarje, besimtarët anë e kënd botës vazhdojnë të sakrifikojnë kafshë për Zotit e tyre si dëshmi e nënshtrimit ndaj Zotit, duke e lutur Lartmadhërinë e Tij që të mos i sprovojë me gjëra që ata nuk mund ti përballojnë dhe me fatkeqësi të kësaj bote, por gjaku i derdhur i kafshëve të jetë shenjë e sakrificës së tyre dhe mishi i shpërndarë për të varfërit të jetë shenjë e solidaritetit njerëzor. 

Continue reading “Urimi i Myftinisë së Dibrës së Madhe me rastin e Haxhi / Kurban Bajramit!”

Dy personalitete të shquar fetaro-shkencor nga Kosova vizituan Myftininë e Dibrës së Madhe

Sot, Myftininë e Dibrës e vizituan dy personalitete të shquar fetaro-shkencor nga Kosova. Në mungesë të Myftiut të Dibrës, sekretari i Myftinisë, Jeton ef. Muça, u uroi mirëseardhje Prof. Miftar Ajdinit nga qyteti i Prizrenit dhe Prof. Mulaim Shehut nga qyteti i Gjakovës, të dy ish profesorë të medresesë Alauddin – Prishtinës dhe studiues fetar.

Continue reading “Dy personalitete të shquar fetaro-shkencor nga Kosova vizituan Myftininë e Dibrës së Madhe”
Projekt afarist pranë xhamisë Sahat Kullë, në shërbim të vakëfit

Projekt afarist pranë xhamisë Sahat Kullë, në shërbim të vakëfit

Me emrin e Allahut, Mëshiruesit, Mëshirbërësit!

“Ndihmohuni mes vete me të mira dhe në të mbara, e mosni në mëkate e armiqësi” (Kur’an, sure Maide: 2).

Të nderuar bashkëqytetarë dibranë!

Në konceptin e dispozitave Islame, vakëfi konsiderohet një institucion shumë i rëndësishëm, i cili derivon mirësi të shumta për shoqërinë njerëzore, si në aspektin shpirtëror e human, pasi Muhamedi a.s. ka thënë: ”Kur vdes njeriu, i ndërpriten veprat e tij të mira, përveç tre: Një sadaka mirësia e të cilës vazhdon t’iu kontribuojë njerëzve, një dije nga e cila përfitojnë njerëzit dhe një fëmijë i ndershëm i cili lutet për të”, po aq edhe në aspektin ekonomik, duke sjellë të mira materiale rrjedhëse dhe afatgjate për institucionin që kujdeset për jetën fetare në vend.

Continue reading “Projekt afarist pranë xhamisë Sahat Kullë, në shërbim të vakëfit”

Ligjërata për gjininë femërore dhe program fetar nga nxënëset

Dita e nesërme shënon një ditë të veçantë në kalendarin islam. Çlirimi i Mekës është sinonim i triumfit pas përpjekjeve, faljes dhe tolerancës pas torturave e mundimeve që pësuan muslimanët, vetëm sepse besonin Zotin Një.

Kjo ngjarje ndodhi pikërisht në ditën e njëzetë të Ramazanit të 8 të hixhretit, përkatësisht, në dhjetor të vitit 629. Kjo dëshmon se Ramazani në atë kohë nuk është kuptuar si kohë e gjumit, përtacisë dhe mos aktivitetit, por përkundrazi, si muaj i kthesës pozitive, ku aksioni, përkushtimi maksimal, mobilizimi, planifikimi, të mishëruar dhe të ngërthyer me mëshirë dhe tolerancë, janë kuptuar si pasojë e devotshmërisë personale dhe kolektive.

Continue reading “Ligjërata për gjininë femërore dhe program fetar nga nxënëset”
Faltore e re për gjininë femërore në xhaminë e Namazjarit

Faltore e re për gjininë femërore në xhaminë e Namazjarit

Thotë Pejgamberi (paqja dhe mëshira e Allahut qofshin mbi të): “Kush e ndërton një xhami për hir të Allahut, Allahu do t’i ndërton atij një shtëpi në Xhenet.” (Transmetohet nga Buhariu dhe Muslimi)

Falënderimi i takon Allahut, Zotit të botëve. Edhe një projekt i përfunduar. Edhe një dëshirë dhe amanet i çuar në vend. E gjithë kjo falë iniciativës së pathyeshme të imamit të xhamisë, dëshirës dhe vullnetit të hekurt të haxhiut dhe zemërgjerësisë dhe bujarisë të kontribuesve tanë, si në diasporë ashtu edhe në Dibrën tonë kreshnike.

Continue reading “Faltore e re për gjininë femërore në xhaminë e Namazjarit”

Ligjëratë fetare për gjininë femërore

Të nderuara zonja/zonjusha, nëna dhe motra besimtare, si çdo vit me rastin e muajit të bekuar të Ramazanit, ashtu edhe sivjet, Myftinia e Dibrës së Madhe organizon ligjërata fetare posaçërisht për gjininë femërore, ku ligjërueset dhe pedagoget e shquara fetare të qytetit tonë do shtjellojnë tematika që ndërlidhen me të drejtat, obligimet, shqetësimet dhe problematikat e gjinisë femërore, por jo vetëm.

Andaj ju informojmë se nesër (e diel), përkatësisht me datë 25.04.2021, në xhaminë e Sahat Kullës, në ora 11:00 do kemi ligjëratë fetare për gra me ligjëruesen fetare Leuntina Dovolani.  

Duke respektuar protokollet e pandemisë, jeni të mirëseardhura!

Ilahija më e re e titulluar “Dashuria e veçantë” e Cenka Mirzo

Ilahija më e re e titulluar “Dashuria e veçantë” e Cenka Mirzo

Të nderuar dashamirës të artit dhe kulturës!

Ashtu siç paralajmëruam para disa javëve, me nxitje të Myftinisë së Dibrës dhe me ndihmë financiare të vëllait tonë nga diaspora shqiptare, z. Dritan Fida, për kënaqësinë tuaj prezantojmë video klipin dhe ilahijen më të re të ilahistit dhe imamit nga Dibra e Madhe, Cenka Mirzo, të titulluar “Dashuria e veçantë”.

Muzika & Orkestrimi: Studio Xheni

Video: VENTO Production

Stamboll, 2021

Informim: Ligjëratë fetare për gjininë femërore!

Të nderuara zonja/zonjusha, nëna dhe motra besimtare, si çdo vit me rastin e muajit të bekuar të Ramazanit, ashtu edhe sivjet, Myftinia e Dibrës së Madhe organizon ligjërata fetare posaçërisht për gjininë femërore, ku ligjërueset dhe pedagoget e shquara fetare të qytetit tonë do shtjellojnë tematika që ndërlidhen me të drejtat, obligimet, shqetësimet dhe problematikat e gjinisë femërore, por jo vetëm.

Andaj ju informojmë se nesër (e diel), përkatësisht me datë 18.04.2021, në xhaminë e Sahat Kullës, në ora 11:00 do kemi ligjëratë fetare për gra me ligjëruesen fetare dhe pedagogen Shkëndije Mullarexha.  

Duke respektuar protokollet e pandemisë, jeni të mirëseardhura!

Donacion për xhaminë e Teqes në Dibër të Madhe

Diaspora shqiptare përmes remitancave dhe donacioneve ka një rol të rëndësishëm në zhvillimin e shoqërisë sonë, si në dimensionin infrastrukturorë ashtu edhe në atë shpirtëror. Donacioni i radhës që bëhet për vendosjen e dritareve të reja në xhaminë e Teqes në Dibër të Madhe, i ka në brendësi të dy dimensionet e lartshënuara. Mos harrojmë se Xhamia e Teqes në veti ngërthen shumë kujtime dhe nostalgji, ajo ka vlera të larta artistike që duhet ruajtur me kujdes dhe fanatizëm.

Ky investim ishte shumë i nevojshëm për praktikuesit e kësaj xhamie sepse dritaret e vjetra ishin të dëmtuara, jo funksionale dhe nuk pengonin të ftohtin dimrit dhe të nxehtin verës. Donatori që dëshiron të ngelet anonim është një personalitet fisnik, bujar, dashamirës dhe mirëbërës, që asnjëherë nuk e ka harruar vendlindjen e tij dhe sakrificën për të mirën e përgjithshme. Ne si institucion, që përpiqemi ta kemi transparencën bazë të besimit reciprok, me mirëkuptim kërkuam prej tij që të vendosim të paktën inicialet e emrit të tij, me të vetmin qëllim që të jemi faqebardhë para publikut, andaj ai edhe u pajtua ti vendosim të njëjtat.   

Në fund, Myftinia e Dibrës së Madhe i shpreh mirënjohje dhe falënderime të përzemërta humanistit A.M. nga Shtetet e Bashkuara të Amerikës, për kontributin e tij të lartë dhe lusim Zotin e botëve që ta shpërblejë ashtu siç din Ai më së miri. Amin!