Autorë: TÜLAY KARADAYI YENİCE – BARIŞ GÖREN

Abstrakt

Qyteti i Dibrës, një pjesë e provincës së Manastirit gjatë periudhës Osmane, mbeti nën sundimin Osman deri në fillim të shekullit të 20-të. Qyteti gjithashtu luajti një rol të rëndësishëm në zgjerimet e Perandorisë Osmane në Evropën Lindore dhe Ballkan. Për këtë arsye, si në të gjitha vendbanimet e tjera ballkanike, Perandoria Osmane i dha përparësi aktiviteteve të ndërtimit dhe zhvillimit në qytetin e Dibrës dhe udhëhoqi pazaret rreth xhamive për rritjen dhe zhvillimin e qytetit.

Kjo ndërtesë, e njohur gjithashtu si Xhamia e Hynqarit, u ndërtua në 1467 nga Fatih Sulltan Mehmed Hani. Xhamia është e vendosur në qendër të qytetit të Dibrës. Xhamia e Hynqarit është e vetmja ndërtesë monumentale, nga trembëdhjetë xhamitë e ndërtuara të asaj periudhe të Perandorisë Osmane, që ka mbijetuar deri në ditët e sotme. Xhamia gjendet në një vend ku ka varreza në formë tyrbeje. Ekziston edhe një strukturë varri në shtylla.

Ndërtesa, e cila është ende funksionale si xhami, është regjistruar si një monument i lashtë nga Bordi i Monumenteve të Maqedonisë së Veriut. Deri më tani nuk ka asnjë hulumtim monografik mbi strukturën arkitektonike të ndërtesës. Andaj, në këtë hulumtim, karakteristikat arkitektonike të Xhamisë Fatih Sulltan Mehmed do të shqyrtohen në detaje. Mendohet se gjetjet e hulumtimit do të kontribuojnë në fazën e restaurimit të ndërtesës.

Dje, në ambientet e Myftinisë së Dibrës së Madhe, u nderuam me vizitën e Kryetarit të Bashkësisë Fetare Islame në Republikën e Maqedonisë së Veriut, Reis Shaqir ef. Fetai. I shoqëruar me Myftiun e Gostivarit, Sabahudin ef. Zendeli dhe kolektivin e tij të ngushtë,  Reisi i uroi suksese në detyrën e re si Myfti i Dibrës së Madhe, Reshat ef. Kaçallnikut.

Continue reading “Kryetari i Bashkësisë Fetare Islame në Republikën e Maqedonisë së Veriut, Reis Shaqir ef. Fetai vizitoi Myftininë e Dibrës së Madhe”

Ambasadori i Republikës së Turqisë në Maqedoninë e Veriut z. Hasan Mehmet Sekizkök dje vizitoi qytetin e Dibrës teksa u prit nga Myftiu i Dibrës Reshat ef. Kaçallniku. Myftiu si nikoqir falënderoi prezencën e ambasadorit dhe i shprehu mirënjohje për çdo kontribut të shtetit turk, me theks të veçantë Agjencinë Shtetërore për Zhvillim TIKA, për ruajtjen dhe kultivimin e vlerave kulturore, historike dhe Islame në vend.

Lexo më shumë

-Je fajtor, sepse shpëtove racën njerzore nga adhurimi i zotrave të rejshëm, që vet njeriu ja ngriti vetvetes.

-Je fajtor, sepse na njoftove me Zotin e vërtet, me cilësitë e Tij të bukura.

-Je fajtor, pasi nuk e arsyetove imitimin e verbër

-Je fajtor, sepse ndalove që varri yt të madhërohet e të meret si vend adhurimi.

-Je fajtor, pasi asnjiherë nuk mashtrove dhe cilësinë e mashtrimit e quajte cilësi e hipokrizisë.

-Je fajtor, pasi asnjëherë me askënd nuk theve premtimin, mos mbajtjen e premtimit e quajte shenjë të hipokrizisë.

-Je fajtor, pasi çdo herë përmbushe emanetin, mos përmbushjen e emanetit e quajte shenjë të hipokrizisë.

-Je fajtor, sepse na përkujtove se: jeta, koha,rinia,shëndeti, pasuria kalojnë, ato janë begati derisa na mbajnë në natyrshmërinë e besimit të shëndosh.

-Je fajtor, sepse na nxite në kërkim të diturisë, femër qoftë ose mashkull.

-Je fajtor, se vlersove lart, diturinë, lapsin, librin, shkrimin, të diturin.

-Je fajtor, sepse shkollat, kuvendet e diturisë i konsiderove bahçe xheneti.

-Je fajtor, sepse na mësove se jemi bijtë e Ademit, Ademi është krijuar nga toka, më i nderuar është ai që është ruajtur.

-Je fajtor, sepse na mësove të respektojmë dinjitetin e njeriut, të mos nëpërkëmbim lirinë, jetën, nderin, pasurinë, djersën e tij.

-Je fajtor, pasi zhvillimin, e një populli e vlersove me lirinë, paprekshmërinë, sigurinë e femrës.

-Je fajtor, sepse na e bëre të ditur se xheneti është nën këmbët e nënës.

-Je fajtor, sepse na përgëzove me xhenet, për të gjithë ata të cilët kanë tri vajza, i edukojnë, udhëzojnë, i mëshirojnë. Qofshin edhe dy, qoftë edhe një.

-Je fajtor, pasi dole pro jetës së fëmisë, që të mos vritet as nga friga  e varfërisë, as nga friga e humbjes së pasirisë, as për shkak të gjinisë.

-Je fajtor, pasi na edukove që i pastrehuari të strehohet, i pa mbrojturi të mbrohet, i padrejti të udhëzohet, i drejti të përkrahet.

-Je fajtor, sepse na nxite në lehtësim, na paralajmërove për vështirsitë, na edukove për përgëzim, e kursesi poshtrim e hidhërim.

-Ty, je fajtor për shumë shumë vlera, për thesarin e Kur’anit, je fajtor sepse mendjemadhësia, imitimi verbër, vetmburja, dhe mashtrimi, nuk na lejon të themi nga zemra e bindur se ty je i dërguari i Allahut.

-Je fajtor, sepse na edukove në ushqim e pie të shëndetshme, e na ndalove gjithçka dëmton jetën shëndetin, pasurinë, adhurimin e të Madhit Zot.

-Ty je fajtor për shumë vlera që dikush dëshiron t’i shtrembërojë. Ne falenderojmë nga thellësia e zemrës të Madhin Zot, që na bëri prej atyre që dëshmojnë se:Nuk ka zot tjetër pos Allahut dhe se Muhammedi është rrob dhe i dërguar i Allahut.

-Ebu Bekri, paqa e Zotit qoftë mbi të, e emëroi Omerin gjykatës në Medine.

-Kushti emërimit për gjykatës? Muhammedi a.s ka thënë për Omerin: ” Zoti bën që e drejta të rrjedhë nga goja dhe zemra e Omerit… ndan të vërtetën nga e kota”.

-Omeri, paqa Zotit qoftë mbi të, qëndroi në pozitën e gjykatësit për një vit të tërë, pa pranuar asnjë ankesë apo padi nga askush.

-Pas një viti, kërkoi nga Ebu Bekri r.a, që ta lirojë nga kjo pozitë. Ebu Bekri e pyeti: ” O Omer, a kërkon të lirohesh nga vështirsitë e procesit gjyqësor?”

-Omeri i tha:” Jo, o halif i të dërguarit të Zotit, mirëpo besimtarët nuk kanë aspak nevojë për mua, secili prej tyre e di:

1. Të drejtën që i takon, kështu që nuk kërkon të drejtën e tjetër kujt.

2. E di se çfarë ka për detyrë, prandaj e zbaton atë me përpikmëri

3. Çdo njëri prej tyre ia dëshiron vëllait të tij atë që ia dëshiron vetes.

4. Kur ndonjëri prej atyre mungon, të tjerët e kërkojnë.

5. Kur sëmuret, e vizitojnë.

6. Nëse është nevojtar, e ndihmojnë.

7. Kur e godet ndonjë e papritur, e ngushëllojnë dhe qetësojnë.

8. Feja e tyre është këshillë, ndërsa morali i tyre është urdhërimi në të mirë dhe ndalimi nga e keqja.”

-“Përse ju duhem unë!”

-Veshe këtë petk devotshmërie, ngrit këto institucjone përgjisie, eduko në këtë frymë bijtë e një shoqërie, të ka hie hapja e dyerve të xhamisë, investimi i jashtëm, siguria e vendit, integrimi në familjen e të lartëve, shembullorëve, dhe jo lypsarëve dhe planprishësve.