Fisnik ef. Çela

A ka gjë më esenciale për myslimanin se të interesohet për rolin e rinisë sonë dhe njohjen e rëndësisë së kësaj etape, për të cilën Allahu do t’i pyesë njerëzit posaçërisht Ditën e Gjykimit.

Pejgamberi a.s. thotë: “Ditën e Gjykimit robi nuk do të hedhë asnjë hap, gjersa të mos pyetet për katër gjëra: ku e ka harxhuar jetën, si e ka jetuar rininë, prej nga e ka fituar dhe në se e ka shpenzuar pasurinë, dhe diturinë çka bërë me të” (Transmeton Bejhekiu dhe të tjerët nga Muadh in Xhebeli r.a).

Është me rëndësi që zbrazëtia e kohës së rinisë dhe shpirtit të tyre të mbushet dhe të stoliset me vepra të mira dhe aktivitete të ndryshme, si: aktivitete sportive, kulturore, relaksuese, fetare, të cilat do t’i lidhnin për ideale të mëdha, për shkak të të cilave dhe për të cilat do të jetojnë.

Pjesën më të madhe të rinisë e hasim në kotësi.  Rinisë i mungon familja me të cilën do ta përmbushte këtë boshllëk. Rinia jonë ndien boshllëk në punë dhe në ditët e pushimit. Çështje kryesore e shumë asociacioneve, organizatave joqeveritare dhe institucioneve është rinia dhe problemet e saj me alkoolin, narkotikët dhe veset e tjera, pa i llogaritur ata që konsumojnë duhanin dhe problemet e tjera.  

Continue reading “Rinia dhe Islami”

Reshit ef. Mullarexha

Allahu i Madhëruar thotë:

“Është e sigurt se kanë shpëtuar besimtarët; ata të cilët janë të përulur dhe të kujdesshëm gjatë faljes së namazit; ata të cilët i shmangen të kotës (fjalë a punë)” (sureja Mu’minun: 1-3) 

Ndërsa Profeti ynë i Dashur Muhamedi a.s. thotë: “Njeriu që braktis punët e kota është shenjë se është mysliman i mirë”.

Feja jonë, Islami, na urdhëron të përfshihemi në gjëra të mira dhe të dobishme në çdo aspekt të jetës sonë. Na inkurajon të bëjmë vepra të mira në përputhje me qëllimin tonë të krijimit. Na këshillon që të shmangim punët që nuk janë të dobishme për dynjanë dhe ahiretin dhe na bëjnë të humbim kohë dhe përpjekje. Në fakt, besimtarët që do të arrijnë shpëtimin në amshim përshkruhen në Kur’an me këto cilësi:

“Pasha kohën! Nuk ka dyshim se njeriu është në një humbje të sigurt. Me përjashtim të atyre që besuan, që bënë vepra të mira, që porositën njëri-tjetrin t’i përmbahen të vërtetës dhe që këshilluan njëri-tjetrin të jenë të durueshëm” (Sureja Asr: 1-3)

Continue reading “Besimtari qëndron larg fjalëve të padobishme”

Denis ef. Abdushi

Me emrin e Allahut, të Gjithëmëshirshmit, Mëshirëbërësit

Falënderimet e plota i takojnë Zotit të gjithësisë, Krijuesit Bujar, i Cili udhëzon kë të dojë në rrugën e drejtë dhe e shmang kë të dëshirojë nga rruga e drejtë dhe të Cilit i nënshtrohet çka në qiell e çka në tokë.

Bekimet e Allahun qofshin mbi krijesën më të mirë që ka shkelur mbi sipërfaqen e tokës, Muhamedin a.s, vula e profetëve, pishtari ndriçues dhe udhërrëfyesi në rrugën e mbarë.

Konceptet e njerëzve ndryshojnë dhe perceptimet e tyre dallojnë dhe nëse gjurmojmë në realitetin e tyre do të vërejmë dallim të madh në përkufizimin e konceptit të shpëtimit dhe fitores, apo të privimit dhe humbjes.

Continue reading “Privimi i vërtetë”

Reshit ef. Mullarexha

Të dashur myslimanë! Zoti ynë i Plotfuqishëm na ka dhënë bekime të bollshme dhe të bukura që nuk mund t’i numërojmë. Mirëpo, në mesin e këtyre mirësive, ekziston një bekim i tillë që është më i vlefshëm dhe më i rëndësishëm se të gjitha. Ky bekim i madh është besimi. Njeriu lartësohet me anë të besimit; Zemrat gjejnë paqe në besim; Ndërgjegjet pastrohen me anë të besimit; Mendjet rregullohen me anë të besimit; Varret ndriçohen me besim; dhe gjykimi merr jetë me besim.

Zemra që nuk beson është e ndryshkur dhe është një barrë në gjoks!

Besim është të pranosh me gjuhë dhe të pohosh me zemër se gjithçka që solli Profeti nga Allahu është e vërtetë. E pyeti Xhibrili a.s të Dërguarin e Allahut: “Çfarë është besimi” – dhe ai iu përgjigj pyetjes si vijon: “Besimi është të besosh Allahun, engjëjt e Tij, librat e Tij, pejgamberët e Tij, Ditën e Fundit dhe Kaderin, me të mirat dhe të këqijat e tij.”

Për ata që besojnë dhe bëjnë vepra të mira për dynjanë dhe ahiretin, është xheneti, në të cilin do të qëndrojnë përgjithmonë dhe nuk do të duan të largohen kurrë. Ndërsa ata që mohojnë ajetet e Zotit të tyre dhe Botën tjetër dhe tallen me Pejgamberin e tij, këta janë njerëzit që e kanë humbur botën e tyre. Destinacioni i tyre në botën tjetër është Xhehenemi.

Continue reading “Njeriu vetëdijesohet nga besimi!”

Burim ef. Sadria

Falënderimi i takon vetëm Allahut të Lartësuar. Atë e falënderojmë për mirësitë e Tij të shumta e të panumërta. Ai i cili e zbriti fjalën e Tij, Kur’anin në gjoksin e të Dërguarit të Tij Muhamedit a.s. për ta nxjerrë njerëzimin nga errësira e mosbesimit, në dritën e besimit. Salavatet dhe selamet qofshin për Profetin e fundit Muhamedin a.s., për familjen e Tij të pastër, për shokët e Tij besnik dhe për te gjithë ata që e pasojnë atë me devotshmëri dhe përkushtim deri në ditën e Kiametit.

Sot do të flasim mbi një moral që ka humbur mes myslimaneve, moral ky, që ka mbetur i huaj në tokën myslimane. Sot, të paktë janë ata që e praktikojnë këtë moral mes myslimanëve, madje lirshëm mund të themi se janë perëndimorët ata që e kanë huazuar nga muslimanët e parë dhe e praktikojnë në jetën e tyre. E kemi fjalën për morali i mirësisë.

Fjala mirësi nënkupton “kur të veprosh diçka ta bësh sa më mirë”. Në lidhje me këtë Zoti i Madhëruar në disa versete të Kur’anin Fisnik thotë:

“Allahu nuk ua humb shpërblimin bamirësve” (Sureja Teube: 120). “Me të vërtet që mëshira e Zotit është pranë bamirësve (Sureja A’raf: 56). “Atyre që bëjnë vepra të mira u takon e mira(xheneti)dhe më tepër(shikimi i Zotit)” (Sureja Junus: 26).

Continue reading “Vlera e mirësisë në jetën e besimtarit”