Urtësi Fetare

Përmirësimi i zemrës (pjesa e tretë)

-Dy shokë vendosën që të vizitojnë një nga shokët e të Dërguarit të Allahut. Kur shkojnë e gjejnë në kopshtin e pallmave, duke ndarë hurmat sipas kualitetit të tyre. Kur e panë veprimin e këtij sahabiu(shok i Pejgamberit a.s), krijuan përshtypjen se kanë të bejnë me njeri koprac. Këta dy shokë i kërkuan diçka nga bujaria e tij. Ai u tha:”I shikoni ato devetë, mereni. Unë nuk do të kisha mundësi të plotësojë kerkesën tuaj nëse nuk do isha i kujdes’shëm ndaj mirësive të Allahut, edhe pse ju krijuat përshtypjen se mund të jem koprac.”

• Asnjë begati nuk ngritet e as nuk paksohet nëse për të jemi mirnjohës, falenderues ndaj Allahut, nuk e harxhojmë në paudhēsi, përkundrazi pasuria bëhet mëkëmbje për ne, fëmijët tanë, dhe për të plotësuar nevojën e ndonjë vëllau për ta ruajtur nderin dhe autoritetin familjar të tij.

•Më mirë pasardhësve t’ju lamë diçka në trashigimi:dituri rjedhëse, shoqëri fisnike, punë të dinjitetshme, biznes dobiprurës, e asesi pasivitet, e poshtrim të vetvetes.

•Nga ajo që të ka fal Allahu jep: nga dituria, edukata, mjeshtria, eksperienca, pasuria duke ndihmuar të pamundurin e punësuar të dinjitetshmin.

•Muhammedi a.s, ndërtoj xhaminë për të adhuruar Allahun me sexhde, edukoj shoqërinë me mjeshtrin e tregtisë, nxiti bujkun për ngjalljen e tokës së vdekur, caktoi vend për diturinë.

•Gjyko për njeriun pasi të kesh pasë udhëtim me të, pasi ta kesh shoqëruar atë, pasi të ket marë ndonjë përgjisi të caktuar, por kursesi dinjiteti i tij të bëhet temë bisedash, paragjykimesh, shpifjesh, kjo nuk është njerzore, aspak morale Islame.

Përmirësimi i zemrës (pjesa e dytë)

-Niveli më i lartë i dashurisë, respektit, edukimit, besimit, formimit të një populli: Muhammedi a.s thotë: ”Një njeri e ka vizituar një vëlla të vetin në një fshat tjetër. Allahu ja dërgoi një Melek (në formë njeriu) në rrugën e tij dhe i tha: Ku je duke shkuar? Tha: Dua ta vizitoj një vëllaun tim në këtë fshat. Meleku i tha: A ke ndonjë interes të përbashkët për të aritur nga të mirat e kësaj bote? Tha: Jo, përveç se unë e dua për hirë të Allahut. Meleku i tha: Unë jam Melek, më dërgoi Allahu te ty të të lajmërojë se edhe Allahu të do ty.

•Qëllimet, veprimet tona, i janë të ditura të madhit Zot. Qofshin ato në rafshin politik, mbrojtës, fetar, njerëzor, diplomatik etj.

•Dikur nuk kanë pasë mundësi udhëtimi të lehtësuar siç kemi neve sot, por a nuk ja kishim lehtësuar vetes shumë nëse jemi të sinqertë me njëri tjetrin sikur ata dje, dikur, pse jo edhe nesër pasardhësit tonë?

•Njerëzit nuk janë larg njëri tjetrit për shkak të largësisë fizike, por për shkak të largësisë së zemrave, dhe asaj që fshehin në kraharorin e tyre.

•Allahu ja ka bërë obligim vehtes, që të dojë secilin që do rrobin e Tij. Dashurinë i madhi Zot nuk e mbajti të fshehur, por dërgoi Melekun që t’ja bëj të ditur rrobit të Tij.

•Prej të madhit Zot vjen e mira, dashuria, bekimi i veprimeve tona, por vetëm a jemi të sinqertë me atë që dijmë, edukojmë, bashkëveprojmë, vlersojmë te njëri tjetri, për njëri tjetrin, e i madhi Zot për të gjithë ne.

Përmisimi i zemrës (pjesa e parë)

-Muhammedi alejhis-selam thotë: ” O pasuesit e mi, nuk më vjen keq për atë që nuk e dini, por kam keqardhje për ju në atë që e dini dhe nuk veproni.”

-Një njeri i thotë Amrit: ”Shumë kam keqardhje për ty për atë se çfarë thonë njerzit për ty.” Amri i tha: ”A më ke dëgjuar që unë të flas keq për ata?” -Përçuesi i fyerjeve i tha: “Jo”

-Amri: ” Atëherë le të të vijë keq për ata dhe jo për mua.”

-Një nga të ndriturt në shpirt e vepër thotë: ”Më është përcjellur se njeriut ditën e Gjykimit do t’i thuhet: ”Mere të drejtën tënde tek filan njeriu.” Ai do të thotë: ”Unë nuk kam asnjë të drejte tek ai njeri!” Atëherë do t’i thuhet: ”Ty ke të drejtën tënde tek ai njeri pasi ai të ka përgojuar në mos prezencën tënde.”

Arritje për ty në dy jetërat

-Transmetim frymëzues: ” Kur Muhammedit a.s, filloi që t’i zbres shpallja, ju dorëzua misioni pejgamberik, Iblisit (djallit) bashkëpuntorët e tij në devijime, ja sjellin lajmin se është paraqitur i dërguari i fundit Muhammedi për umetin (pasuesit e tij). Iblisi i pyet: ” A e duan njerëzit dynjanë?” U përgjigjën se e duan. Për mua nuk është shumë me rëndësi se a do t’i adhurojë umeti i Muhammedit idhujt, sepse unë do mashtrojë dhe do ti devojojë me tre gjëra: Të arrijnë pasirinë në rrugë të dyshimta dhe haram, të harxhojnë pasurinë në atë që është e ndaluar, të tregohen koprac në atë që u sjell dobi, të gjitha fatkeqësitë tjera shoqërore rrjedhin nga këto të trija.”

•Paragjykimi, moskonsultimi, urrejtja, a nuk bëri që Jusufi a.s të hudhet në bunar nga vëllezërit e vet?

•Devijimi, i djemve shpirtërisht të Jakubit a.s, a nuk ja vështirësuan jetën, vështirësi që shkaktuan pasoja fizike te prindi i tyre, me humbjen e dritës së syve për një kohë bukur të gjatë?

•Njohja e mëkatit, por mos kujdesi ndaj mëkatit, a nuk hapi dyer të mosbesimit të ndërsjellë te vëllezërit e Jusufit as? Etj.

– Në një rast është pyetur një njeri i cili është bërë i njohur me devotshmërinë e tij:” Si ke arritur të jesh i njohur në shoqëri, kurse ne e dimë se t’i nuk je as nga më të njohurit, as nga më të zjedhurit e fiseve që ne njohim? Ai u përgjigj:” Asnjëherë nuk bëhem pjestar në vepra të ulta dhe që nuk më interesojnë, si dhe asnjëherë nuk jam i pakujdes’shëm në detyrimet që më janë besuar”.

Moral shembullor nga Kur’ani Famëlartë

-Ajet: ”E mbreti tha:” Ma sillni mua atë (Jusufin)”. Dhe kur i shkoi atij (Jusufit) i dërguari i mbretit ai i tha:”Kthehu te zotriu yt dhe pyete atë: Ç’është puna…” Jusuf 50

Meditim, edukim, formim personaliteti:

•Jusufi a.s ishte padrejtësisht i burgosur, kur ju mundësua liria nuk nxitoi por kërkoi të dal në dritë pafajsia e tij, kështu është më e favorshme liria.

•Kujdes nga çdo mundësi që të ofrohet, veçanërisht nëse na mungon diçka, siç i mungonte liria Jusufit a.s, nëse kjo ç’nderon personalitetin tënd, nëse liron trupin, por robëron mendjen, idenë, lirinë e fjalës, pavarsinë e veprimit dhe vendimit, më thuaj atëherë ç’kuptim ka liria?

•Jusufi a.s dëshiroj që si të fitojë lirinë, të zhvillojë misionin pejgamberik, e si do e zhvillojë kur ai nuk është pastruar moralisht nga akuza e dyshimtë, sot në veçanti kur dyshimet, mosbesimi, mosbashkëpunimi në nivele të larta, dhe rafshin shoqëror lë shumë për të dëshiruar duhet përpjekur për moralin personal.

•Nëse sot padrejtësisht je i poshtruar nga dikush, dije se e nesërmja është me ty, vetëm se kujdes vlerat e tua shpirtërore, morale, kombëtare.

•Jusufi a.s mbretin nuk e quajti zotëri të vet, kjo na jep të kuptojmë se ne nuk kemi asgjë të përbashkët me uzurpatorë të lirisë, shtrembërues të fakteve, dhunues të padrejtë, mbjellës të farës së imoralitetit dhe mosbesimit.

•Jusufi a.s propozoj të hapen dosjet që të vërtetohet pafajsia e tij, në shpirtin e pastër dhe të lirë nuk mbahet barra e turpësive, por vendos drejtësia qoftë e vonuar.

-Urtësitë janë të shumta, kjo është fjala e Allahut, që troket në dyert e ndërgjegjes dhe shpirtit, argument se i madhi Zot e di gjendjen e rrobit të tij, ndoshta sot i “ burgosur” por e nesërmja liri e dinjitetshme për ty e për një popull e poshtrim për të mashtruarit. Argument logjik, bashkohor, socjologjik, historik se ahireti, bota e amshuar është nevojë e patjetërsueshme dhe e vërtetë.

Sy nuk pata por e kuptova

-Ajet:”Mos i trajto njerzit me nënçmim, dhe mos ec në tokë me mendjemadhësi, se Allahu nuk i do mendjemëdhejtë dhe mburacakët.”Llukman 18

-Këta janë vlera te lirisë, barazisë, respektit, dinjitetit të njeriut. Njeriun, me cilësitë e lartëpërmendura, nuk e duan njerzit, pa marë parasysh bindjet. Ty me pushtetin dhe fuqinë tënde mund ta nënshtrosh, por kursesi nuk e bën që të të dojë, pasi kjo është natyrshmëri që Allahu e ka krijuar njeriun, ska ndryshim në përcaktimin që ka mbjellë Zoti në shpirtin njerzor.

-Ebu Bekri kujdesej maksimalisht për një plakë të verbër. Pas një kohë për të përkujdesej Omeri, paqa e Zotit qoftë mbi ta. -Plaka e pyet Omerin:” A mos ka ndëruar jetë shoku yt?”

-Omeri i tha:” Nga e di ti?!”

-Plaka e verbër tha:”Edhe ty më erdhe me hurme sikur shoku yt, por nuk ua ke nxjer bërthamat sikur ai.”

-Ajet:” Tregoju atyre këto ngjarje, në mënyrë që ata të mendojnë.” El-A’raf 175-176

Sa shoqëri e edukuar është kjo

-Ajet: ”Këto janë vargje të Librit me plotë urtësi, udhëzues dhe mëshirë për punëmirët…” Llukman 1

•Libër i shkruajtur, i urtë në shkronjë, në fjalë, në përmbajtje.

•”udhërëfyes” drejt së vërtetës pa anime, drejt së vërtetës me meritë, drejt rrugës së vërtetë.

•” mëshirë për punëmirët” A ka mëshirë më të dalluar sesa të jesh i udhëzuar, i qëndrueshëm në të vërtetën, të ndjekësh Librin e mëshirës për të mëshiruar vetveten dhe gjithçka që qëndron pran teje dhe emanetit tënd?

•Kujdes të lutem: Libri pran vetes, udhërëfimi vjen para fjalës së mëshirës, i udhëzuari është i mëshiruar, nën hijen e mëshirës vendosen vetëm punëmirët.

Prandaj: 1. Këshillo por mos turpëro.

2. Kritiko por mos ofendo.

3. Sillu me njeriun siç është sot mos u fut në zemrën e tij, e as mos hulumto në gabimet e tij, sidomos të ngatëruara me dyshime.

4. Vepro me njeriun në bazë të aftësisë të të kuptuarit të tij, dhe jo në bazë të moshës së tij.

5. Nëse nuk ke mundësi të sjellish ndonjë të mirë, kujdes mos e mbjell farën e së keqes.

Sukseset duan durim dhe kujdes

-Ajet:” Biri im, ëndrën tënde mos ua trego vëllezërve të tu, mos të pregadisin ndonjë kurth. Me të vërtet shejtani është armik i hapët i njeriut.” Jusuf 5

-Dhembja që të shkaktojnë tjerët përballohet me qëndrueshmëri dhe pregaditje. Dhembja që të shkakton vëllau yt lë gjurmë të thella në shpirt.

1.Secilit domosdoshmërisht i nevojitet një zemër falenderuese për çdo begati që dhuron i Madhi Zot, qoftë edhe kur pranë vetes ke mbështetës të sukseseve të jetës.

2.Prano mirësitë e jetës për ta edukuar nefsin.

3.Padyshim se i Gjithëfuqishmi do të jep qetësi në zemër, për dallim nga ai që ka ndoshta shumë mundësi por shpirtin e ka të djallëzuar me ty.

4.Padyshim këshilla, udhëzimi që ta jep vëllau yt, që të do si vetveten ose më shumë se vetvetja, të hap dyert e sukseseve dhe riskut.

5.Këshilla dhe bashkëveprimi i lehtëson punët tona.

6. Këshilla, bashkëpunimi, sinqeriteti, më shumë ka hapje të dyerve të sukseseve sesa sprovë të papërballueshme.

7.Nëse jemi fisnik siç flasim, e jemi mirbërës siç njihemi, padyshim se kjo jep ndjesinë e sinqertë në shpirt se jeton i bekuar dhe jo nga mëkati i nënshtruar.

8.Shejtani(xhin e njeri) nuk të pengon vetëm nga namazi, por ka mundësi të ta zbukuroj namazin e të të përdor si mjet kundër vëllaut tënd, sidomos nëse nuk i kthen në mirnjohje ndaj Zotit mundësitë që ti ka dhuruar.

Hixhreti – udhetim drejt shtetformimit

– Abdulla ibn Omer thotë: ”Na u drejtua Muhammedi alejhiselam në hutbe (fjalim) dhe na tha: ”Kujdes nga dhuna dhe padrejtësia, sepse dhuna dhe padrejtësia është errësirë (gjendje e vështirë) në Ditën e Gjykimit! Kujdes nga veprat e ulta dhe të turpshme! Kujdes edhe nga paturpësitë në fjalë! Kujdes nga koprracia,sepse ata që ishin para jush janë shkatërruar për shkak të koprracisë (në ide, veprim, qëndueshmëri, pranim të virtyteve të tjetrit), kështu ata ndërprenë lidhjet (e gjakut, miqësisë, bashkëpunimit), marrëdhëniet me njëri-tjetrin, lind kokfortësia, u bënë dorështërnguar (në punë qenësore), u bënë nga ata që përhapën shkatërrim në tokë.

– U çua njëri nga të pranishmit dhe pyeti: ”O i Dërguar, cili Islam është më i përsosur?”. “Besimtari të jetë i sigurt dhe i mbrojtur nga fjalët dhe veprat e tua.”- tha i Dërguari alejhiselam.

– “Cili hixhret (shpërngulje) është më i përsosur?”. “Të largohesh nga ajo që e urren Allahu i Lartëmadhëruar.”, tha Muhammedi alejhiselam.

– Pas kësaj që përkujtuam, atëherë kujdes çfarë veprojmë për bijtë e popullit tonë në atdheun e tyre, sepse ajo do të jetë argument i pakontestueshëm Ditën e Llogarisë.

NGA FËMIJRIA E MUHAMEDIT A.S

-Ishte zakon i kurejshëve që fëmijët e tyre të porsalindur të mos ushqehen e rriten në Mekkë, për shkak se ishte vend i mbyllur. Dëshironin që fëmijët të rriten në vende ku ajri është më i pastër, dhe kishte hapsirë më të gjërë.

-Gratë që mëkonin fëmijët e kurejshëve, këtë punë e bënin kundrejt një dhurate që e jepnin prindërit si këmbim. Kushdo që shkonte te shtëpia e Muammedit a.s, e kuptonin se ishte jetim dhe menjëherë largoheshin, pasi babai i fëmijës ishte ai që jepte dhuratat, kurse Muhammedi i vogël ishte pa baba. Vetëm njëra nga gratë që nuk ariti të gjejë fëmi për kujdestari, u detyrua ta marë Muhammedin vetëm mos kthehet duar bosh.

Medito: -Gruaja që dukej e pa fat, u kujdes për njeriun më me ndikim në historinë e njerzimit. Të gjitha gratë e tjera me “ fat” sot nuk dihen kush janë, kurse ajo që u kujdes për Muhammedin a.s sot përmendet në jetën e të dërguarit të Allahut.

– Personin që refuzuan për ta marë, Zoti për të kishte pregaditur misionin pëfundimtar Pejgamberik, njeriu i cili është mbi një shkallë të lartë të moralit, njeriu që është mëshirë për mbarë botrat, personi i cili do trokas i pari në dyert e Xhenetit.

– Ajo që panë gratë te Muhammedi a.s si fëmijë nuk ishte e levërdis’shme për ato. Ajo që Allahu kishte pregaditur për Muhammedin a.s u bë përjetësi për secilin që beson, përmend, dashuron emrin e tij.