Myftinia Dibër e Madhe

Postimet

Shoqëria në Islam

Burim ef. Sadria

Falënderimi i takon Allahut xh.sh. që na bëri pjesëtar të fesë Islame. Paqja, mëshira e Allahu qoftë mbi të dërguarit e tij Muhamedin a.s., mbi familjen e tij dhe gjithë ata që e ndjekin rrugën e tij deri në Ditën e Kiametit.

Islami i ka kushtuar rëndësi të madhe shoqërisë. Muhamedi a.s. triumfoi me shokë të mirë si Ebu Bekri, Omeri, Uthmani, Aliu, e shumë të tjerë, Zoti qoftë i kënaqur me to.

A e dini cili është shoku më i mirë dhe më i dashur? Është ai që të ndihmon të njohësh dhe të adhurosh Zotin e Madhëruar. Është ai që të nxjerr nga errësira në dritë dhe bëhet shkas për tu drejtuar në rrugën e drejtë. Nga vetë natyra e tij, njeriu është shoqëror, i pëlqen shoqëria dhe nuk mund të jetojë i vetëm. Kur Zoti i Madhëruar e zgjodhi Musain a.s. profet dhe e urdhëroi që të shkonte tek Faraoni ta këshillonte, Musai iu lut duke i thënë: “O Zot, ma zgjero gjoksin (më ndihmo) dhe ma lehtëso këtë punë. Ma zgjidh nyjën që kam në gjuhen time, që ta kuptojnë fjalën time. Më cakto një që të më ndihmojë nga familja ime. Harunin, vëllain tim. Që të më shtohet fuqia. Bëje atë ortak me mua. Në mënyrë që të të madhërojmë më shumë dhe të të kujtojmë ty më shpesh. Me të vërtet Je Ndihmësi ynë (Sureja Taha: 253).

E drejta e punëtorit në islam

Nasuf ef. Strikçani

Historia na tregon se në vitin 1887 klasa punëtore është ngritur në revolucion dhe rebelim duke i kërkuar të drejtat e veta dhe kështu ka rrjedhë edhe dita e punëtorit. Gjithashtu në Australi punëtorët në vitin 1856 vendosën bashkërisht të organizojnë ndalesë totale të punës që të fitojnë të drejtën e punës në tetë orë.

Puna është nder, dinjitet dhe reputacion. Allahu i Lartëmadhëruar na nxit për punë dhe kërkim të furnizimit ku në ajetin 15 të kaptinës së Kur’anit thotë: “Ai është që juve tokën ua bëri të përshtatshme, andaj, ecni nëpër pjesët e saj dhe shfrytëzoni begatitë e Tij, meqë vetëm te Ai është e ardhmja”. Nga këto ajete qartë shihet rëndësia e punës të cilën Islami i kushton shumë rëndësi. Sipas mësimeve islame, besimtarit nuk i lejohet të jetë i varur nga tjerët dhe të jetë barë e komunitetit. E kundërta, Islami insiston që besimtari të jetë aktiv ndaj urdhrave të Allahut xh.sh, por edhe të jep kontribut për zhvillimin e vetes dhe shoqërisë. Duke punuar dhe duke e dhënë mundin e tij, njeriu do të ketë shumë arritje dhe rezultate me të cilat do të ushqejë veten dhe familjen në atë mënyrë që do jetojë me nder në këtë botë dhe në tjetrën.

Vlera e ditës së xhuma (premte)

Bujar ef. Dovolani

Falënderimet dhe lavdërimet qofshin mbi Allahun xh.sh. Zotin e botëve, Mëshiruesin, Mëshirëplotin. Atij i cili në Kur’anin Famëlartë jep urdhër të prerë që duhet zbatuar:
“O ju që besuat kur bëhet thirrja për namaz ditën e xhuma, ecni shpejt për aty ku përmendet Allahu (dëgjojeni hutben dhe falni namazin) e leni shitblerjen. Kjo është shumë më e dobishme për ju nëse jeni që e dini. E kur të kryhet namazi, atëherë shpërndahuni në tokë (kthehuni në punën e mëparshme ) dhe kërkoni begatitë e Allahut, por edhe përmendeni shpeshherë Allahun, ashtu që të gjeni shpëtim” (Sureja Xhuma: 10).

Sëmundja e gjuhës

Denis ef. Abdushi

Me emrin e Allahut, të Gjithëmëshirshmit, Mëshirëbërësit

Falënderojmë Allahun, Zotin e qiellit dhe të tokës dhe Zotin e Arshit bujar, i Cili na dhuroi mirësi të panumërta, për të cilat mirësi nëse nuk tregohemi falënderues, do të na merren dhe largohen. Bekimet dhe përshëndetjet qofshin mbi Profetin e mëshirës, mësuesin e njerëzimit, Muhamedin s.a.v.s., i cili na udhëzoi drejt çdo mirësie dhe na e tërhoqi vërejtjen nga çdo e ligë.

O ju besimtarë! U përkujtoj më njërën prej mirësive më të mëdha që Allahu na i ka dhënë, e që quhet “mirësia e gjuhës dhe e të shprehurit”. Është një mirësi, domethënien dhe vlerën e së cilës e din vetëm se ai që nuk e ka. Por, njëkohësisht kjo gjuhë ka edhe rrezikun e saj të madh, e cila mund të përfundojë me pasoja të rënda në këtë botë dhe në tjetrën. andaj Allahu i Lartësuar na urdhëron të ruajmë dhe të kujdesemi për gjuhët tona dhe të peshojmë fjalët që nxjerrim, ngase për to do të merremi në llogari.

Pastërtia – gjysma e imanit

Reshit ef. Mullarexha

Thotë Allahu xh.sh. në Kur’anin Famëlartë: “Dije mirë se Allahu i do ata që pendohen shumë dhe ata që janë të pastër nga brenda dhe nga jashtë” (Sureja Bekare: 222). Ndërsa Profeti ynë i dashur (a.s.) thotë: “Pastërtia është gjysma e besimit.”

Pastërtia është një nevojë që ekziston në thelbin e natyrës dhe në natyrën njerëzore apo humane, me qëllim që njeriu të jetë i pastër, i denjë, i thjeshtë dhe elegant. Feja jonë superiore – Islami, e sheh pastërtinë si një kërkesë të domosdoshme të besimit. Allahu xh.sh. urdhëron besimtarët të pastrohen nga papastërtitë materiale dhe shpirtërore dhe të jenë të pastër në të gjitha fushat e jetës.

Pozita e sinqeritetit në konceptin Islam

Mualime: Leuntina Dovolani

Falënderimi i takon Allahut xh.sh. Paqja dhe mëshira e Allahut qofshin mbi Pejgamberin a.s. Dëshmoj se nuk ka hyjni që meriton të adhurohet përveç Allahut, Një dhe të pa shoq dhe gjithashtu dëshmoj se Pejgamberi a.s. është rob dhe i Dërguar i Allahut.
Nga bazat më të rëndësishme të Islamit është vërtetimi i sinqeritetit ndaj Allahut xh.sh. në të gjitha adhurimet. Në lidhje me këtë dijetarët mysliman kanë thënë: “Sinqeriteti do të thotë se gjatë veprimeve tua të mos kërkosh dëshmitar tjetër përveç Allahut dhe as shpërblyes përveç Tij”.
Sinqeriteti është e vërteta e fesë dhe çelësi i thirrjeve. Allahu xh.sh. thotë në Kur’an: “Ata nuk ishin të urdhëruar me tjetër pos që ta adhuronin Allahun me një adhurim të sinqertë dhe të pastër ndaj Tij në besim, ta falin namazin ta japin zeqatin dhe kjo është feja e drejtë”. Allahu xh sh gjithashtu thotë: “Thuaj Allahun e adhuroj sinqerisht, e ndaj tij e bëj fenë time” (Sureja Bejjineh: 5).

Rreziku i gjuhës

Denis ef. Abdushi

Me emrin e Allahut, të Gjithëmëshirshmit, Mëshirëbërësit!

Falënderimet dhe lavdet më të plota i takojnë Zotit të gjithësisë, i Cili na krijoi dhe na veçoi me mirësi dhe dhunti të panumërta, i dhuroi njeriut logjikën e shëndoshë, mendjen e ndritur dhe ia mësoi të folurit e të shprehurit.

Bekimet dhe përshëndetjet më të plota qofshin mbi më të dashurin tonë, Muhamedin s.a.v.s, i cili na e mësoi të mirën dhe na e tërhoqi vërejtjen nga çdo vyrtit i ulët.

Vëllezër dhe motra! Allahu i Madhëruar na dhuroi mirësi të shumta, mirësi për të cilat kurrë nuk do të mund ta falënderojmë Allahun për to ashtu siç duhet. Ndër mirësitë në fjalë është dhe mirësia e gjuhës, nëpërmjet së cilës ne shprehim atë që kemi në brendësi dhe i kryejmë nevojat tona.

I Lartësuari na e kujton këtë mirësi në Kuran dhe thotë: “A nuk i kemi dhënë Ne atij (njeriut) dy sy, gjuhë dhe dy buzë?” (Sureja Beled; 8-9)

Morali i durimit në konceptin Islam

Burim ef. Sadria

Falënderimi i takon Allahut xh.sh që ja dha dhuratën më te madhe njerëzimit – Islamin. Paqja dhe mëshira e Allahut qoftë mbi të Dërguarin e tij, Muhamedin a.s., familjen e tij dhe gjithë ata që e ndjekin rrugën e tij deri në ditën e Kiametit.

Shumë njerëzve kur u thuhet “bëj durim”, u duket se kjo është diçka më shumë teorike sesa praktike. Mbi moralin e durimit është krijuar qielli dhe toka. Durimi është një nga ligjet e gjithësisë dhe nuk ka të bëjë veçse me njerëzimin.

Asgjë nuk vjen në ekzistencë papritur dhe menjëherë, por gradualisht dhe me durim. E keni parë diellin se si lind dhe perëndon? Po embrionin se si zhvillohet gradualisht dhe me durim në barkun e nënës? Me këtë gjë Zoti i Madhëruar na mëson se çdo gjë në gjithësi është krijuar dhe vepron gradualisht dhe me durim.

Myftiu i Dibrës së Madhe priti në takim miqësor diasporën dibrane

Në një ambient vëllazëror dhe me një frymë bashkëpunimi dhe solidariteti, Myftiu i Dibrës së Madhe, Reshat Kaçallniku, priti në takim miqësor bashkatdhetarët që jetojnë dhe veprojnë në Shtetet e Bashkuara të Amerikës. Fillimisht Myftiu i qytetit, në emër të gjithë kuadrit fetar që disponon Myftinia dhe më tej në emër edhe të gjithë besimtarëve dibranë, përmes të ftuarve të këtij takimi, shfrytëzoj rastin ti falënderoj të gjithë dibranët që veprojnë në Perëndim, si në Evropë po ashtu dhe përtej Atlantikut, për kontributin dhe solidaritetin e treguar në çdo rast dhe mundësi, në të gjitha sferat e jetës shoqërore dhe fetare në vend, sidomos në këtë periudhë të trazuar të pandemisë globale. Në anën tjetër, mysafirët, pasi e uruan Myftiun për detyrën e re dhe misionin e shenjtë fetar, bashkërisht biseduan për shumë tematika që janë aktualitet, mes tjerash treguar interesim të veçantë për rininë dibrane, veçanërisht për aftësitë e tyre profesionale, për avancimin e tyre akademik dhe mbi të gjitha për pastërtinë morale, në një kohë kur përballen me shumë elemente devijante të kohës. Por analizuan edhe problemet e vjetra dhe të reja me të cilat ballafaqohen qytetarët çdo ditë dhe për shkaqet e tyre por duke u përpjekur që të japin zgjidhje apo alternativa pozitive në të mirë të qytetarëve. Sipas tyre shqetësimet kryesore të këtij qyteti ngelin po ato të vjetrat, gjegjësisht mungesa e ujit, papastërtia publike, mungesa e parkingjeve, e disa të tjera.

Mohimi i mirësive dhe rreziku i tij!

Denis ef. Abdushi

Me emrin e Allahut, të Gjithëmëshirshmit, Mëshirëbërësit

Falënderimet e plota e të vazhdueshme i takojnë vetëm Allahut, Zotit dhe Atij që e adhurojmë. O Allah! Vetëm ty të adhurojmë, vetëm prej Teje ndihmë kërkojmë dhe vetëm te Ti i mbështesim shpresat tona. Përshëndetjet e plota dhe bekimet e Allahut qofshin mbi Profetin e Tij, robin e nderuar, Muhamedin s.a.v.s, të cilin Allahu e bëri shembullin më të lartë të moralit, falënderimit dhe adhurimit.

Robër të Allahut, mirësitë e Allahut janë të shumta saqë s’mund të përkufizohen me ndonjë numër të caktuar. Mirësia e hajes, e pijes, e shëndetit, e bukurisë, e sigurisë, e paqes, e rehatisë, e besimit, e Islamit, e dërgimit të Pejgamberit…s’kanë të mbaruar. Këtë realitet Allahu na e tregon në dy vende në Librin e Tij:

“Edhe në qoftë se përpiqeni t’i numëroni të mirat e Allahut, nuk do të mund të arrini t’i përkufizoni (në numër) ato. Vërtet, njeriu është i padrejtë dhe shumë përbuzës.” (Sureja Ibrahim: 34)